Մեծ Բրիտանիայի իշխանությունները բռնագրավել են Ադրբեջանի Միջազգային բանկի նախկին ղեկավարի կնոջից՝ Զամիրա Հաջիեւայից ավելի քան մեկ միլիոն ֆունտ ստերլինգ արժողությամբ մատանին, հաղորդում են բրիտանական ԶԼՄ–ները:
8.9 կարատանոց Cartier մատանին Ջ.Հաջիեւը գնել էր ութ տարի առաջ Լոնդոնի հայտնի Harrods հանրախանութից: Այն առգրավվել է Մեծ Բրիտանիայի ազգային քրեական գործակալության աշխատակիցների կողմից, երբ մատանին վերականգնվում էր ոսկերիչների կողմից: Գործակալությունը վստահ է, որ տվյալ ոսկերչական իրի ձեռքբերման վրա ծախսված ֆինանսների աղբյուրը կպահանջի հետագա հետաքննություն:
Բացի դրանից, փողերի լվացման պայքարի մասին օրենքի շրջանակներում, լրացուցիչ 22 մլն ֆունտ արժողությամբ գույք է բռնագրավվել, որը Լոնդոնում պատկանում էր Զամիրա Հաջիեւային: