«Բարգավաճ Հայաստան» կուսակցության խորհրդարանական խմբակցությունը մտադիր է ղեկավարել խորհրդարանական երկու մշտական հանձնաժողով: Հունվարի 15-ին լրագրողների հետ զրույցում այս մասին ասաց ԲՀԿ-ից ԱԺ նորընտիր փոխխոսնակ Վահե Էնֆիաջյանը:
Նրա խոսքով՝ դրանք այն հանձնաժողովներն են, որոնք մոտ ապագայում կստեղծվեն: «Խոսքը Մարդու իրավունքների, ինչպես նաեւ Տարածաշրջանային ինտեգրացիայի խորհրդարանական մշտական հանձնաժողովների մասին է»,- պարզաբանեց Էնֆիաջյանը:
Ընդ որում՝ նա նշեց, որ Տարածաշրջանային ինտեգրացիայի մշտական հանձնաժողովի ստեղծումից առաջ իրենք խորհրդակցել են Ռուսաստանում իշխող «Եդինայա Ռոսիա» կուսակցության հետ:
