Ուժեղ պայթյուն է տեղի ունեցել Քենիայի մայրաքաղաքում գտնվող հյուրանոցային համալիրում՝ հայտնում է РБК-ն։
Քենիական Dalily nation թերթի տվյալներով՝ ոստիկանությունը տարհանում է DusitD2 Hotel հյուրանոցում ապրողներին, շենքի վրա պտույտներ է կատարում ռազմական ուղղաթիռը, հայտնում են կրակոցների ձայների մասին։ Citizen TV հեռուստաալիքը ցույց է տվել կադրեր, որոնցում երեւում են, թե ինչպես են այրվում հյուրանոցի առջեւ կանգնած ավտոմեքենաները, որոնցից թանձր սեւ ծուխ է բարձրանում։ Հյուրանոցից դուրս են բերել մի քանի վիրավորների։
KTN News-ը հայտնում է, որ վեց զինված մարդ գրոհել են Նայրոբիի էլտար թաղամասում գտնվող հյուրանոցն ու Secret Garden ռեստորանը։ Այստեղ են տեղակայված նաեւ քաղաքի բիզնես-կենտրոնները, բանկերը եւ դեսպանությունների շենքերը։ KTN-ի տվյալներով՝ Նայրոբիի հիվանդանոցներ են տեղափոխվել ութ վիրավորներ, հինգ մարդ զոհվել է։