ՀՀ վարչապետ Նիկոլ Փաշինյանի կողմից հաստատված կազմով նոր ձևավորված ԵՊՀ հոգաբարձուների խորհրդի առաջին նիստը տեղի կունենա հունվարի 22-ին: «Արմենպրես»-ի հետ զրույցում այս մասին հայտնել է ԵՊՀ Ուսանողական խորհրդի նախագահ, ԵՊՀ հոգաբարձուների խորհրդի անդամ Դավիթ Ափոյանը:
«Պաշտոնական ծանուցում ենք ստացել, որ նիստը տեղի կունենա հունվարի 22-ին, ժամը 11:00-ին»,- ասել է Ափոյանը:
Ուսանողական խորհրդի նախագահի խոսքով՝ այդ օրը տեղի կունենա նաև ԵՊՀ հոգաբարձուների խորհրդի նախագահի ընտրությունը:
«Նիստի օրակարգի առաջին երկու հարցերով նախատեսված են խորհրդի նախագահի և քարտուղարի ընտրության հարցերը»,- նշել է Դավիթ Ափոյանը: