News
Լրահոս
News
Ուրբաթ
Օգոստոս 12
USD
406.09
EUR
419.78
RUB
6.7
Տեսնել լրահոսը

ՌԴ-ում Ադրբեջանի դեսպան Փոլադ Բյուլբյուլօղլին Լեռնային Ղարաբաղի հակամարտության արագ կարգավորման հարցում հատուկ հույսեր է կապում Ռուսաստանի հետ:

Դեսպանը Haqqin.az-ի հետ հարցազրույցում մեկնաբանել է ռուսական կողմի պահանջը Ադրբեջան ՌԴ հայազգի քաղաքացիների այցելության կարգավորման վերաբերյալ:

Դեսպանի խոսքով՝ ռուսական կողմն այս հարցը բազմիցս է բարձրացրել տարբեր մակարդակներով: Պարզաբանելով այդ հարցում Ադրբեջանի դիրքորոշումը՝  դեսպանը նշել է, որ այն կապված է Հայաստանի հետ կոնֆլիկտի հետ, նման արգելքն առաջին հերթին բխում է քաղաքացիների անվտանգության ապահովման նկատառումներից, եւ ընդհանուր առմամբ գոյություն ունի միջազգային պրակտիկա, երբ երկրները ինչ-ինչ անձանց մերժում են իրենց պետություն այցելությունը՝ նույնիսկ նման մերժումը չպատճառաբանելով: Ընդ որում՝ դեսպանը հավաստիացրել է, որ Ռուսաստանի հայազգի քաղաքացիները, նույնիսկ Հայաստանի քաղաքացիները մասնակցում են Ադրբեջանում անցկացվող միջազգային միջոցառումներին, մարզական մրցումներին եւ մշակութային իրադարձություններին: Քաղաքացիների անվտանգության մասին խոսելիս դեսպանը հայտարարել է, որ «Ադրբեջանի տարածքում մեկ միլիոնից ավելի փախստականներ եւ տեղահանված անձինք կան», եւ «նրանք երբեք չեն մոռանա այն դաժանությունը, տառապանք ու անմարդկային վերաբերմունքը, որոնց բախվել են»: Դեսպանը հենց սրանով է «բացատրել» իրավիճակը:

«Ռուսաստանցի գործընկերները հաճախ են ինձ հարցնում՝ ո՞րն է այս վիճակից ելքը եւ դրա համար ի՞նչ է անհրաժեշտ: Ես մշտապես պատասխանում եմ, որ հարկավոր է հակամարտությունն արագ կարգավորել արդար հիմքով եւ միջազգային իրավունքի շրջանակում, եւ այս բոլոր խնդիրներն ինքնաբերաբար կանհետանան: Ես՝ որպես մարդ, որը վերջին տարիներին 3 անգամ այցելել է Հայաստան եւ Ղարաբաղ, համոզված կարող եմ ասել, որ 2 ժողովուրդների միջեւ երկխոսությունը հնարավոր է, սակայն Ռուսաստանը պետք է ներդնի առավելագույն միջնորդական ջանքեր, որպեսզի «օկուպացիոն» քաղաքականությունը դադարեցվի»,- հայտարարել է դեսպանը:

Նշենք,որ Ադրբեջան այցելելու անզգուշություն ունեցած հայազգի անձինք իսկապես մեծապես վտանգված են: Սակայն գլխավոր սպառնալիքը բխում է ոչ թե «մեկ միլիոն փախստականներից», այլ իշխանություններից: Դրա վառ օրինակն է Ռուսաստանի հայազգի քաղաքացի Մարատ Ուելդանովի հետ տեղի ունեցածը

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄՆ-ը մտահոգված է ԼՂ-ում տիրող իրավիճակով ու կոչ է անում միջոցներ ձեռնարկել լարվածությունը նվազեցնելու համար․ Պետդեպ
ԱՄՆ պետքարտուղարությունը՝ Արցախում ռազմական գործողությունների մասին...
Պետք է ակտիվորեն քննարկենք ԼՂ հարցը Հայաստան-Ադրբեջան հարաբերություններից տարանջատելու տարբերակը. ՀՀ ԱԽ քարտուղար
Ղարաբաղի հիմնախնդիրը Հայաստանի համար տարածքային հարց չէ: Այդ առումով մեզ …
Հայաստանը հավատարիմ է ԼՂ խնդրի խաղաղ կարգավորմանը՝ ԵԱՀԿ ՄԽ հմանախագահության ներքո. Փոխվարչապետը՝ Աբդուլլա Շահիդին
Փոխվարչապետ Մաթևոսյանն այսօր ընդունել է ՄԱԿ-ի Գլխավոր ասամբլեայի նախագահ Աբդուլլա Շահիդին…
Թեհրանում Պուտինը եւ Էրդողանը քննարկել են ԼՂ հիմնախնդիրը եւ Սիրիայի ճգնաժամի կարգավորման հարցը
Նախագահները քննարկել են նաեւ երկկողմ խոշոր նախագծերը․․․
ԼՂ-ում ժառանգության պահպանությունը քննարկման նյութ է եղել Մակրոնի, Փաշինյանի եւ Ալիևի հանդիպման ժամանակ. դեսպան
Ֆրանսիան գտնում է, որ անհրաժեշտ է Ղարաբաղում գտնվողն ժառանգության հարցով զբաղվել եւ այդ թեման ՅՈՒՆԵՍԿՕ-ի իրավասության ներքո է...
ԱԽ քարտուղարն ու Ֆրանսիայի նախագահի խորհրդականն անդրադարձել են ԼՂ հակամարտության կարգավորման վերաբերյալ հարցերին
ԱԽ քարտուղար Արմեն Գրիգորյանը Փարիզում հանդիպել է Ֆրանսիայի նախագահ Էմանուել ․․․
Ֆոտոռեպորտաժներ