News
Լրահոս
News
Ուրբաթ
Օգոստոս 12
USD
406.09
EUR
419.78
RUB
6.7
Տեսնել լրահոսը

Facebook-ն իր հարթակում խստացնում է քաղաքական գովազդի կանոնները այն երկրներում, որտեղ 2019 թվականին կարեւոր ընտրություններ կլինեն, մասնավորապես Հնդկաստանում, Նիգերիայում եւ Ուկրաինայում: Խստացումը կվերաբերի նաեւ ԵՄ-ին, հաղորդում է ТАСС-ը՝ վկայակոչելով Reuters գործակալությանը:

Նրա տվյալներով, ընկերությունը նման քայլի է գնում` ընտրական գործընթացին միջամտելուն հակազդելու համար: Համաձայն ընկերության Գլոբալ քաղաքականության եւ լուսաբանման տնօրեն Քեթի Հարբատի խոսքերով, Նիգերիայում, սկսած չորեքշաբթի օրվանից, միայն երկրում տեղակայված գովազդատուները կարող են փետրվարի 16-ին կայանալիք նախագահական ընտրությունների համար սոցիալական ցանցում գովազդ տեղադրել: Նման պրակտիկան կսկսի գործել փետրվարին Ուկրաինայում, որի քաղաքացիները մարտի 31-ին նախագահ պիտի ընտրեն:

Ինչ վերաբերում է Հնդկաստանին, ապա հանրապետությունում գարնանը նախատեսված խորհրդարանական ընտրություններին վերաբերող գովազդը Facebook-ը կսկսի տեղադրել հատուկ ինտերնետային գրադարանում:

 «Մենք բոլոր երկրներից դասեր ենք քաղում», - ասել է սոցիալական ցանցի աշխատակազմի ղեկավարներից Ռոբ Լեզերնը: «Մենք գիտենք, որ կատարյալ չենք լինելու, բայց մեր նպատակը շարունակական կատարելագործումն է»: Նրա խոսքերով, Facebook-ում ընտրություններին միջամտության դեմ պայքարի կարեւորագույն տարրը համարում են գրադարանում գովազդի պահպանումը՝ յոթ տարի շարունակ: Լեզերնը ավելացրել է, որ քաղաքական գովազդի կանոնների խստացում նաեւ ԵՄ-ին է սպասում՝ մայիսին կայանալիք  Եվրախորհրդարանի ընտրությունների նախաշեմին:

Նոյեմբերին BBC-ն հաղորդել էր, որ Facebook-ը խստացրել է բրիտանական շուկայի համար նախատեսված հարթակում քաղաքական գովազդ տեղադրելու կանոնները: Նշվում է, որ այդ փոփոխությունների անհրաժեշտությունն առաջացել է Cambridge Analytica ընկերության կողմից  տվյալների ապօրինի հավաքագրման շուրջ ծագած աղմուկից հետո:

Ավելի վաղ The New York Times թերթը հաղորդել էր, որ Cambridge Analytica-ը կարողացել է հավաքագրել սոցիալական ցանցի տասնյակ միլիոնավոր օգտատերերի անձնական տվյալները՝ ընտրողների քաղաքական նախասիրությունների վերլուծության ալգորիթմ մշակելու համար: Ինչպես պատմել են ընկերության նախկին աշխատակիցները, ստեղծված ալգորիթմը հեշտացրել է օգտատերերի համար քաղաքական գովազդներ ուղարկելը, որպեսզի կարողանային պոտենցիակ կերպով ազդել նրանց ձայների վրա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բարձր տեխնոլոգիական արդյունաբերության նախարար Ռոբերտ Խաչատրյանի գլխավորած պատվիրակությունը կմեկնի Ռուսաստան
«ԱՐՄԻԱ-2022» միջազգային ռազմատեխնիկական համաժողովին եւ «Թվային հեղափոխություն» համառուսական համաժողովին մասնակցելու նպատակով 2022 թվականի օգոստոսի 14-20-ը...
Apple-ը մտադիր է 2023 թվականին վաճառել 1,5 միլիոն AR/MR ակնոց
Հավելյալծ եւ խառը իրականության աջակցությամբ Apple-ի առաջին ակնոցները վաճառքի կհանվեն հաջորդ տարի...
Վերլուծաբանը Apple-ի անլար ականջակալների նոր մոդելների մասին մանրամասներ է ներկայացրել
2023-ին թողարկված բոլոր ականջակալները USB-C միակցիչով պատյան կունենան...
Samsung-ը ներկայացրել է 999 դոլար արժողությամբ Galazy Z Flip 4 նոր սմարթֆոնը
Galazy Z Flip 4-ը վաճառքում կհայտնվի օգոստոսի 26-ին...
WhatsApp-ում խմբակային չաթերից «լուռ» հեռանալու հնարավորություն կհայտնվի
Նորամուծության նպատակն է ազատել օգտատերերին հանրային խմբից դուրս գալու համար անհարմարության զգացումից...
Microsoft-ը Windows 11-ի օգտատերերին նախազգուշացրել է «տվյալների հնարավոր վնասման» մասին
Նախազգուշացումը վերաբերում է Windows 11 եւ Windows Server 2022 օպերացիոն համակարգերին, ինչպես նաեւ ժամանակակից պրոցեսորներով համակարգիչներին...
Ֆոտոռեպորտաժներ