ՀՀ տրանսպորտի, կապի եւ տեղեկատվական տեխնոլոգիաների նախարարությունը տեղեկացնում է, որ հունվարի 16-ին՝ ժամը 15:00-ի դրությամբ, Աշոցքի եւ Ապարանի տարածաշրջանների ավտոճանապարհներին ձյուն է տեղում:
Արագածի ավտոճանապարհին տեղ-տեղ մերկասառույց է:
Աշոցքի եւ Արագածի տարածաշրջանների ավտոճանապարհներին, Արթիկ-Արագած, Սեւանի թերակղզուց դեպի Դիլիջանի թունել եւ Քուչակ-Ապարան ճանապարհահատվածներում բուք է:
Վարդենյաց լեռնանցքը սաստիկ բքի եւ տեսանելիության բացակայության պատճառով փակ է:
ՀՀ միջպետական եւ հանրապետական նշանակության մյուս ավտոճանապարհները բաց են:
Ճանապարհաշինարարներն ավտոճանապարհներին կատարում են մաքրման եւ աղով, ավազով մշակման աշխատանքներ: