«Լուսավոր Հայաստան» կուսակցության՝ «Եվրոպայի ազատականների եւ ժողովրդավարների դաշինք» կուսակցությանը (ALDE) անդամակցելու դիմումը ընդունվել է:
Կուսակցությունից NEWS.amճ-ին հայտնում են, որ արդեն ստացել են պաշտոնական նամակը եվրոպացի գործընկերներից, որում ասվում է.
«Լուսավոր Հայաստան կուսակցության նախագահ` Էդմոն Մարուքյանին
Հարգելի պարոն Մարուքյան,
Թույլ տվեք շնորհավորել Ձեզ ԱԺ ընտրություններում գրանցած հաջողությունների առիթով:
Ուրախ ենք տեղեկացնել, որ Եվրոպայի Լիբերալների եւ Ժողովրդավարների Ալյանսի (ALDE) Բյուրոն անցած շաբաթ, հունվարի 9-ին, քննարկեց եւ որոշեց դրական եզրակացություն տալ ԱԼԴԵ կուսակցությանը աֆիլացված անդամության Ձեր դիմումին: Ձեր դիմումը կներառվի ԱԼԴԵ կուսակցական խորհրդի հաջորդ նիստի օրակարգում, որը տեղի կունենա փետրվարի 9-ին Բեռլինում, Գերմանիա:
Եվրոպայի Լիբերալների եւ Ժողովրդավարների Ալյանսի (ALDE) նախագահ, Եվրոպարլամենտի անդամ` Հանս Վան Բաալեն»: