Բելգիայից մի հայ, 28-ամյա Գրիգոր Սարգսյանը, որը հայտնի է «Մաեստրո» մականվամբ, կասկածվում է Եվրոպայի 100-ից ավելի խաղացողների մասնակցությամբ պայմանագրային թենիսի խաղերի կազմակերպման սինդիկատի ղեկավար լինելու մեջ:

Անցյալ շաբաթ բազմաթիվ թենիսիստներ, որոնք չեն պատկանում թենիսի էլիտային, հարցաքննության են կանչվել Ֆրանսիա՝ պայմանագրային խաղերին մասնակցելու կասկածանքով: Քննիչների խոսքերով, Սարգսյանը մի քանի եվրո է վճարել, որպեսզի  տարբեր մարդիկ փոքր խաղադրույքներ կատարեն:

Հարցաքննված թենիսիստներից մեկը խոստովանել է, որ ինքը Սարգսյանի պատվերով 20 պայմանագրային հանդիպումներ է անցկացրել, հաղորդում է Associated Press-ը:

Նշվում է, որ գործի շրջանակներում հարցաքննվել են նաեւ թենիսիստներ՝ Նիդեռլանդներից, Բելգիայից, Գերմանիայից, Սլովակիայից եւ Բուլղարիայից: Միացյալ Նահանգներից, Չիլիից եւ Եգիպտոսից խաղացողները եւ մենեջերները եւս կհարցաքննվեն: Համաձայն ոստիկանության, 100-ից ավելի թենիսիստներ են աշխատել սինդիկատի օգտին՝  ստանալով 500-ից 3000 եվրո:

Սարգսյանն անցյալ տարվա հունիսին ձերբակալվեց Բելգիայում. նրան մեղադրանք է առաջադրվել պայմանագրային խաղեր կազմակերպելու եւ  արդյունքները նենգափոխելու համար:

Ինչպես Associated Press-ն է գրում, դեռեւս պարզ չէ՝ բելգիացի սինդիկատը կապված է եղել անցյալ շաբաթ Իսպանիայում ձերբակալված հանցախմբի հետ՝ կազմված հիմնականում հայերից: