News
Լրահոս
News
Ուրբաթ
Մարտ 29
Տեսնել լրահոսը

Բանակի խնդիրները, որոնք չէին լուծում նախորդ իշխանությունները, չեն լուծում նաեւ նրանք, ովեքեր այժմ են գտնվում իշխանության: Հունվարի 17-ին «Նոյան տապան» գործակալության «Քննարկում» խորագրի եթերում ասաց քաղաքագետ Արմեն Այվազյանը:

Նրա խոսքով՝ Զինված ուժերի իրական ռեզերվի բացակայությունը շատ մասնագետների մոտ անհանգստություն է առաջացնում, սակայն տվյալ հարցի լուծման տեսանկյունից իշխանությունների կողմից ոչ մի գործողություն չի նկատվում:

«Միակ ռեզերվը «Երկրապահ» կազմակերպությունն էր, որը սպառազինության հետ կապված բազմաթիվ խնդիրներ ուներ, ինչպես նաեւ կազմակերպչական բնույթի հարցեր, սակայն հիմա դա էլ չկա:  Երկարատեւ պատերազմում Ադրբեջանին դիմակայելու համար հարկավոր է պրոֆեսիոնալ ռեզերվ ստեղծել», -  նշեց նա:

Այվազյանը բացատրեց, որ այսօր հայկական կողմի եւ Ադրբեջանի միջեւ ռազմական ուժերի հարաբերակցությունը այնպիսին է, որ եթե հակառակորդը կարողանա ճեղքել առաջնագիծը, ապա դա կարող է մեզ համար աղետալի հետեւանքների հանգեցնել: «Մենք պետք է հասկանանք, որ ռազմական գործողությունների վերսկսման վտանգը միշտ էլ առկա է, այնպես որ պետք է մտածել նախազգուշական հարված հասցնելու մասին, եթե նման անհրաժեշտություն լինի», - հավելեց նա:

Փորձագետը համոզված է, որ նման գործողությունները միջազգային հանրության կողմից  նպատակահարմար կընկալվեն, հաշվի առնելով ապրիլի 2016-ի իրադարձությունները: «Այդ ժամանակ էլ Ադրբեջանը փորձեց ճեղքել առաջնագիծը, եւ եթե դա նրանց հաջողվեր, կշարունակեին ներթափանցել», - ասաց Արմեն Այվազյանը:

Նա ընդգծեց, որ հայկական կողմի զիջումների մասին բոլոր խոսակցությունները կարող են վատ հետեւանքներ ունենալ, քանի որ Ադրբեջանը երբեք չի բավարարվի միայն Ղարաբաղի հարցի լուծմամբ:

«Եթե ղարաբաղյան խնդիրը երկարաժամկետ հեռանկարում լուծվի Բաքվի օգտին, ապա նրանք Հայաստանի դեմ ռազմական գործողությունների կդիմեն: Դրա մասին է վկայում է Ալիեւի հռետորաբանությունը, թե Երեւանը ադրբեջանական քաղաք է », - եզրափակեց փորձագետը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Այսօր էլ Ադրբեջանը շարունակում է իր վերահսկողության ներքո հայկական որևէ հետքի վերացմանն ուղղված քաղաքականությունը. ԱԳՆ
Միջազգային հանրությունը պետք է համարժեք գնահատական տա տեղի ունեցած զանգվածային ոճրագործություններին և գործարկի առկա բոլոր մեխանիզմները...
Երեւանում տեղի կունենա Ադրբեջանում հայերի ցեղասպանության զոհերի հիշատակի միջոցառում
Փետրվարի 28-ին Ծիծեռնակաբերդում տեղի կունենա հիշատակի միջոցառում...
Մարուքյանը ուշագրավ փաստեր է հրապարակել Խոջալուի դեպքերի հետ կապված՝ վկայակոչելով Ադրբեջանի 1-ին նախագահի հարցազրույցը
Ադրբեջանի առաջին նախագահ Այազ Մութալիբովը հայտարարել է, որ «Խոջալուի վրա հարձակումը անակնկալ հարձակում չէր»։ 1992 թվականին ռուսական...
Ամենաշատ