Ճապոնիայում ամենատարեց շիմպանզեն այս շաբաթ սատկել է Կոբե քաղաքի կենդանաբանական այգում, որտեղ ապրել է 60 տարուց ավելի: Ջոնի անունով կապիկը շատ տասնամյակներ տեղացիների սիրելին էր, փոխանցում է ՏԱՍՍ-ը:
Օձի կենդանաբանական այգու վարչակազմի տեղեկություններով, որտեղ Ջոնին ապրում էր եւ արդեն 69 տարեկան էր, նա սատկել է բնական պատճառով՝ ծերության հետեւանքով: Նրա մոտ առողջական խնդիրներ էին առաջացել դեռեւս 2017 թվականին: Այդ ժամանակ Ջոնիին տեղավորել էին առանձին վանդակի մեջ, որ մյուս կապիկները նրան չանհանգստացնեն: Շիմպանզեին Ճապոնիա էին բերել 1955 թվականին Աֆրիկայից: Կենդանաբանական այգում անցկացրած տարիների ընթացքում Ջոնին 9 անգամ հայրացել է: Նրա առաջին ձագը ծնվել է 1963 թվականին: Ուշագրավ է, որ նա Ճապոնիայում առաջին շիմպանզեն է, որը ծնվել եւ մեծացել է կենդանաբանական այգու արհեստական միջավայրում:
«Շիմպանզեի կյանքի միջին տեւողությունը կազմում է 40-ից մինչեւ 50 տարի, ուստի Ջոնին շատ երկար, եւ հույս ունենք՝ երջանիկ կյանքով է ապրել»,- նշել են Օձի կենդանաբանական այգուց: