Բրիտանիայի խորհրդարանը հունվարի 29-ին Brexit-ի հարցով նոր պայմաններով կքվեարկի: Հունվարի 21-ին Կառավարությունը մերժվածի փոխարեն մեկ այլ ծրագիր կներկայացնի: Այս մասին հայտնել է Համայքների պալատի ղեկավար Անդրեա Լիդսը, հաղորդում է «ՌԻԱ Նովոստին»:
Նախօրեին Մեծ Բրիտանիայի վարչապետ Թերեզա Մեյը, որը չորեքշաբթի երեկոյան խուսափել էր անվստահության քվեից՝ ձայների փոքր առավելությամբ, հայտարարել էր, որ կառավարությունը բրեքսիտի համաձայնագրի շուրջ ստեղծված իրավիճակի համար հունվարի 21-ին ծրագիր կներկայացնի: Մեկ օր առաջ բրիտանացի խորհրդարանականները մերժել էին վարչապետի կողմից ներկայացրած բրեքսիտի համաձայնագրիրը: Համաձայնագրին կողմ էր արտահայտվել 202 խորհրդարանական, դեմ՝ 432-ը:
«Բրեքսիտի վերաբերյալ կառավարության հաջորդական քայլերի մասին օրինագիծը կներկայացվի հունվարի 21-ին: Օրինագծի վերաբերյալ բանավեճերը կշարունակվեն ամբողջ օրը եւ պալատի համաձայնության դեպքում քվեարկությունը տեղի կունենա հունվարի 29-ին», - հինգշաբթի խորհրդարանում ելութի ժամանակ ասել է Լիդսը:
«Բ ծրագրի» բովանդակության մասին ներկա պահին ոչինչ հայտնի չէ: Կառավարությունը խորհրդարանական խմբակցությունների հետ ԵՄ-ից դուրս գալու պայմանների վերաբերյալ խորհրադկցություններ է անցկացնում:
Վերջին մի քանի օրվա ընթացքում Բրիտանիայի խորհրդարանի մի շարք պատգամավորներ դիմել էին Մեյին՝ բրեքսիտի վերաբերյալ դիրքորոշումը մեղմացնելու խնդրանքով, սակայն կառավարության ղեկավարը նշել էր, որ Բրիտանիան մարտի վերջում դուրս կգա Եվրամիությունից:
