Քրեական հեղինակություն Վստրեչի Ապեր մականունով հայտնի Արամ Վարդանյանի գործով վկա, դերասանուհի Լուիզա Ղամբարյանը գործով տուժող Մամիկոն Բագրատունու ազգականն է։ Այս մասին այսօր՝ հունվարի 17–ին Երեւանի ընդհանուր իրավասության դատարանի Կենտրոնի նստավայրում Արամ Վարդանյանի գործով հերթական դատարան նիստից հետո լրագրողների հետ զրույցում ասաց տուժողի հայրը՝ գործով վկա Սուրեն Զոհրաբյանը։
Նա նշեց, որ Արամ Վարդանյանը հեռախոսով զանգահարել է Լուիզա Ղամբարյանին՝ ճշտելու նրա առնչությունը Բագրատանու հետ։
Զոհրաբյանը հերքեց այն տեղեկություններո, թե իր որդին ժամանակին իր դեմ հաղորդում է ներկայացրել իրավապահներին։
Համաձայն մեղադրական եզրակացության` Արամ Վարդանյանը կազմակերպել, ղեկավարել եւ անձամբ մասնակցել է մի խումբ անձանց կողմից նախանական համաձայնությամբ 2017թ․ հուլիսի 17-ին Նորագավիթ թաղամասում գտնվող «Արամիս» սուպերմարկետի շրջակայքից բռնության գործադրմամբ, զենքի սպառնալիքով Մամիկոն Բագրատունու բացահայտ առեւանգմանը։ Այս գործով ամբաստանյալի կարգավիճակում է նաեւ Գարեգին Իսկանդարյանը։
Նա մեղադրվում է Բագրատունու առեւանգման մեջ։
Նրանց երկուսի նկատմամբ էլ, որպես խափանման միջոց է ընտրված գրավը։
Հիշեցնենք, որ Արամ Վարդանյանը ձերբակալվել է 2018թ. հուլիսի 30-ին Դուբայի օդանավակայանում իսկ հոկտեմբերի 1–ին Միացյալ Արաբական Էմիրություններից էքստրադիցիայի ենթարկվել Հայաստան։
