Տվյալ փուլում ես դեմ եմ, որ Հայաստանը ԵՏՄ շրջանակներում միասնական արժույթի անցնի, քանի որ դա կարող է որոշակի դժվարություններ առաջացնել: Հունվարի 17-ին ԱԺ նիստում Տարածաշրջանային եւ եվրասիական ինտեգրման հարցերով խորհրդարանական մշտական հանձնաժողովի ղեկավարի պաշտոնի թեկնածության քննարկման ժամանակ այս մասին ասաց այս պաշտոնի հավակնորդ, «Բարգավաճ Հայաստան» կուսակցությունից պատգամավոր Միքայել Մելքումյանը՝ պատասխանելով «Լուսավոր Հայաստան» կուսակցության պատգամավոր Անի Սամսոնյանի հարցին:
Նրան խոսքով տվյալ դեպքում կարող է էմիսիայի խնդիր առաջանալ, հատկապես, եթե տվյալ գործընթացն իրականանում է այլ երկրի կողմից:
Մելքումյանը պարզաբանեց, որ այլ հարց է, եթե որոշակի հաշվարկներում, օրինակ, գազ գնելիս, առեւտուրը իրականացվեր ռուսական ռուբլով, բայց այս փուլում միասնական արժույթի անցումը շատ ռիսկեր է պարունակում: