USS Bremerton ատոմային սուզանավի ամերիկացի կապիտան Թրեվիս Զեթելի կոչումն իջեցրել են եւ ազատել նավի հրամանատարի պարտականություններից այն բանից հետո, երբ նա խոստովանել է, որ Ֆիլիպիններում կանգառի ժամանակ 10 մարմնավաճառ է վարձել, գրում է USA.one-ը:
Kitsap Sun թերթի տվյալներով՝ հետաքննությունը սկսվել է 2018-ի մայիսին՝ ՊՆ թեժ գծին Զեթելի ենթակայի զանգից հետո:
Զեթելը NCIS գործակալներին խոստովանել է, որ վճարել է կանանց էքսկորտի համար: Օգոստոսին հրամանատարը նկատողություն էր ստացել, ազատվել նավի հրամանատարի պարտականություններից եւ տեղափոխվել Naval Base Kitsap բազա: Բացի այդ նրան իջեցրել են մինչեւ նավապետի կոչման:
Գործում ներգրավված էր Bremerton-ի նավաստիներից մեկը, որին նկատել էին տեղացի կանանց հետ: Սակայն հետաքննության ժամանակ նրան արդարացրել էին: