ԱՄՆ ՌԾՈւ-ն չի բացառում Թայվանի նեղուցով ավիակրի փոխադրումը՝ չնայած ռազմական տեխնիկայում Չինաստանի ձեռքբերումներին, որոնք ԱՄՆ-ի ռազմական նավերի համար սպառնալիք են ներկայացնում: Այս մասին հայտնել է ԱՄՆ-ի ռազմածովային գործողությունների ղեկավար, ծովակալ Ջոն Ռիչարդսոնը:
Անցյալ տարի Վաշինգթոնը երեք անգամ նավերն ուղարկել էր ռազմավարական նեղուցով , որը Թայվանը բաժանում է Չինաստանի մայրացամաքային մասից, բայց ավելի քան տասը տարի ԱՄՆ-ն ավիակիր չի ուղարկել:
Այդ ընթացքում Չինաստանը հրթիռների օգնությամբ արդիականցրել էր ուժերը, որոնք նախատեսված են թշամական նավերին հարվածներ հասցնելու համար:
«Իրականում մենք սահմանափակում չենք տեսնում այդ նեղուցով անցնող նավերի տեսակների առնչությամբ», - Ճապոնիայի մայրաքաղաքում լրագրողներին ասել էր Ռիչարդսոնը, երբ նրան հարցրել էին՝ արդյոք առաջադեմ չինական զենքը մեծ վտանգ չի ներկայացնում:
«Մենք Թայվանի նեղուցը միջազգային ջրերի եւս մեկ մաս ենք դիտարկում, այդ պատճառով տարանցում ենք իրականացնում»:
Իր զեկույցում Միացյալ Նահանգների ռազմական հետախուզության գործակալությունը Թայվանը չինական զինված ուժերի արդիականացման «հիմնական շարժիչ» է անվանել:
Ռիչարդսոնը, որը մինչեւ Ճապոնիա մեկնելը Չինաստան էր այցելել, ասել է, որ իր չինացի գործընկերներին հայտնել է, որ Միացյալ Նահանգները դեմ են Պեկինի կամ Թայբեյի կողմից ցանկացած միակողմանի գործողություններին:
Նա նաեւ Չինաստանին կոչ է արել պահպանել միջազգային կանոնները ծովում չնախատեսված ծովային բախումների ժամանակ:
