Ինձ համար ծախսերը դրանք կապիտալ ծախսերի համար արված ներդրումներն են, օրինակ կրթության եւ տեղեկատվական տեխնոլոգիաների ոլորտում: Հունվարի 18-ին Ազգային ժողովի նիստում այս մասին ասաց Ֆինանսավարկային եւ բյուջետային հարցերով խորհրդարանական մշտական հանձնաժողովի նախագահի թեկնածու, աշխատանքի եւ սոցիալական հարցերի նախկին նախարար, «Լուսավոր Հայաստան» կուսակցությունից պատգամավոր Մանե Թանդիլյանը՝ պատասխանելով «Իմ քայլը» դաշինքից պատգամավոր Արմեն Փամբուկչայնի հարցին:
Նա հիշեցրեց բյուջետային սահմանափակումների մասին եւ հավելեց, որ կցանկանար նաեւ ավելի շատ ուշադրություն դարձնել ենթակառուցվածքներին: «Հայաստանում շատ սոցիալական խնդիրներ կան, եւ մենք պետք է սոցիալական պաշտպանության համակարգ ներդնենք, ինչպես նաեւ միջոցներ չխնայենք այս համակարգի ձեւավորման համար», - պարզաբանեց Թանդիլյանը:
