News
Լրահոս
News
Շաբաթ
Ապրիլ 13
Տեսնել լրահոսը

Հայաստանի վարչապետ Նիկոլ Փաշինյանի հետ հանդիպումը բարեկամական բնույթ ուներ, որի ժամանակ քննարկվել է երկկողմ առեւտրի ծավալների մեծացման հարցը: Այս մասին հայտնել է Վրաստանի վարչապետ Մամուկա Բախտաձեն, փոխանցում է «Նովոստի-Գրուզիան»:

Երեքշաբթի՝ հունվարի 15-ին, Բախտաձեն Փաշինյանին հանդիպել է Բոլնիսի քաղաքում (Քվեմո Քարթլիի շրջան) ոչ պաշտոնական իրադրությունում: Դա տեղի է ունեցել Հայաստանի նախագահ Արմեն Սարգսյանի կողմից Փաշինյանին երկրի վարչապետ նշանակելու մասին հրամանը ստորագրելուց հետո երկրորդ օրը:

«Մեզ Հայաստանի հետ կապում են բարեկամական հարաբերությունները: Ձեզ հայտնի է, որ մի քանի օր առաջ խորհրդարանը նրան [Փաշինյանին] երկրորդ անգամ հաստատեց վարչապետի պաշտոնում: Սա բարեկամական հանդիպում էր, որի ժամանակ մենք տարբեր հարցեր ենք քննարկել, այդ թվում՝ նաեւ այն, թե 2 երկրների միջեւ ինչպես է հնարավոր ընդլայնել առեւտուրը»,- ասել է Բախտաձեն կառավարության նիստից առաջ տեղի ունեցած ճեպազրույցի ժամանակ:

2018 թվականի հունվար-նոյեմբերին Վրաստանի եւ Հայաստանի միջեւ արտաքին առեւտրաշրջանառությունը կազմել է մոտ 581 մլն դոլար: Անցյալ տարվա սեպտեմբերին Բախտաձեն պաշտոնական այցով Հայաստան էր այցելել՝ հանդես գալով երկկողմանի առեւտուրը մինչեւ 1 մլրդ դոլարի հասցնելու նախաձեռնությամբ:

Խոսելով Փաշինյանի հետ բնակցությունների մանրամասների մասին՝ Բախտաձեն հայտարարել է, որ հանդիպմանը չի քննարկվել վրաց-ռուսական սահմանին ապրանքաշրջանառության մոնիթորինգի մասին համաձայնագրի գործարկման հարցը:

Այսօրվա դրությամբ Հայաստանի եւ ՌԴ-ի միջեւ միակ ցամաքային երթուղին անցնում է վրաց-ռուսական սահմանի «Լարս» մաքսակետով: Վերին Լարսով Հայաստանից Ռուսաստան ապրանքների մատակարարման ամենախնդրահարույց ասպեկտը եղանակային վատ պայմանների պատճառով բազմօրյա հերթերն են:

«Սա այն պայմանագրի տեխնիկական իրականացումն է, որը ստորագրվել է 2011 թվականին, եթե ստույգ եմ հիշում: Համապատասխանաբար աշխատանքը շարունակվում է սովորական ռեժիմում: Ինչպես ձեզ հայտնի է, այս ուղղությամբ գոյություն ունեն մեծ թվով հարցեր, որոնք անհրաժեշտ է կարգավորել: Այս մասին հասարակությանը պարբերաբար տեղեկություններ ներկայացվում են: Մեր հանդիպումը հաստատապես այս հարցի հետ կապված չէր»,- եզրափակել է Վրաստանի վարչապետը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ամբակում Գրիգորյանը Հայ-վրացական իրավական ֆորումին ներկայացրել է դատապարտյալների վերասոցիալականացման գործընթացները
ՀՀ ԱՆ քրեակատարողական ծառայության պետ, արդարադատության գնդապետ…
Վրաստանի հետ փոխգործակցությունը գտնվում է բարձր մակարդակի վրա. վարչապետն ընդունել է Ռատի Բրեգաձեին
Վարչապետն ընդունել է Վրաստանի արդարադատության նախարարին...
Վերջին տարիներին հայ-վրացական հարաբերությունները հասել են զարգացման նոր մակարդակի. Ռուբեն Ռուբինյան
Հայաստանի Ազգային ժողովի նախագահի տեղակալ Ռուբեն Ռուբինյանն ապրիլի…
ՀՀ-ն արդարադատության ոլորտում Վրաստանի հետ ունի 8 բազմակողմ, 4 երկկողմ պայմանագիր և ստորագրված 2 հուշագիր
Առանձնազրույցում Հայաստանի և Վրաստանի արդարադատության նախարարները քննարկել են գործակցության խորացման հնարավորությունները…
Հայաստանի և Վրաստանի գործակցությունը լավագույններից մեկն է. Գրիգոր Մինասյան
Համատեղ ասուլիսում Հայաստանի և Վրաստանի արդարադատության նախարարները պատասխանել են լրագրողների հարցերին…
ՀՀ եւ Վրաստանի կառավարությունները պայմանավորվել են սկսել սահմանազատման աշխատանքները. ԱԳՆ
ՀՀ եւ Վրաստանի կառավարությունները պայմանավորվել են սկսել սահմանազատումը...
Ամենաշատ