Ամերիկյան Ֆլորիդա նահանգի Բոկա Ռաթոն քաղաքում փակ պահեստից գողացել են Բեթմենի մասին կոմիքսների հավաքածուն, որը $1,4 մլն է գնահատվում, տեղեկացնում է RT-ն։
Ինչպես հաղորդում է Sun Sentinel-ը, հավաքածուն բաղկացած էր մոտ 450 կոմիքսից, այդ թվում եւ «Բեթմենի» նախկին թողարկումներից։
Հավաքածուի սեփականատեր Ռենդի Լոուրենսն ասել է, որ կորուստը հայտնաբերել է հունվարի 9-ին։ Դրանից հետո դիմել է ոստիկանություն։
Նրա կարծիքով՝ կողոպուտին կարող է մասնակցած լինել այն աշխատողը, ով պահեստում փորձում էր վերացնել ջրի հոսքը 2018թ. հուլիսին եւ հետաքրքրվել էր կոմիքսներով։
