Բանտերը Մեծ Բրիտանիայում պատուհաններին ճաղեր չեն ունենա։ Դրանց փոխարեն կլինեն ամրացված ապակեպլաստիկե պատուհաններ, տեղեկացնում է Europule-ը։
Դա կթեթեւացնի բանտարկյալների հոգեվիճակը եւ կօգնի ավելի իմաստավորված ընդունել պատժի կրումը. այս եզրահանգման են եկել Բատա քաղաքի համալսարանի գիտնականները։
Ինչպես տեղեկացրել է Մեծ Բրիտանիայի արդարադատության նախարարությունը, հին նմուշի վերջին բանտերը կառուցվել են 2016 եւ 2017թթ.։ Հիմա կառավարությունը նախատեսում է վերակառուցել շենքերի երկու համալիր, որոնցում բանտարկյալներ են պահվում (մեկը՝ 2021, մյուսը՝ 2022թթ.). դրանց պատուհաններին ճաղեր չեն լինի։
Բրիտանացիների կարծիքը նորամուծության հանդեպ տարբերվել է։ Համաձայն YouGov կայքի հարցման՝ բրիտանացիների 38%-ը կարծում է, որ սա լավ որոշում է, իսկ 31%-ի կարծիքով՝ այն անհաջող է։
