«Տեղեկատվությունը, որ ստացել էինք մամուլի ասուլիսի գալուց առաջ, վկայում է 66 զոհի եւ 76 վիրավորի մասին, նրանց մեջ կան ծանր ու շատ ծանր վիճակում գտնվողներ»,- ասել է նահանգապետը, որի ելույթը հեռարձակվում է Թվիթերում։
Տուժածների մեջ կա յոթ պատանի՝ 18 տարեկան եւ մեկ տղա՝ 12 տարեկան, ավելացրել է նա։
Հզոր պայթյունը եւ հրդեհը տեղի են ունեցել ուրբաթ երեկոյան, Մեքսիկայի Իդալգո նահանգում, Տուսպան Տուլա խողովակատարում, այն պահին, երբ հարյուրավոր մարդիկ վառելիք էին գողանում։ Մեքսիկական Pemex պետական նավթային ընկերությունը պաշտոնապես հաստատել է, որ պայթյունը անօրինական կտրվածքի հետեւանք է։ Մարդիկ եկել էին արտահոսքի կամ միտումնավոր արված կտրվածքի վայր տարաներով ու լցնում էին դրանք, երբ տեղի ունեցավ պայթյունը, տեղեկացնում է ՌԻԱ «Նովոստի»-ն։
