«Իմ քայլը» դաշինքից ընտրված, այնուհետեւ պատգամավորական մանդատը վայր դրած Նարեկ Բաբայանը ճիշտ է համարում մնալ մարզում եւ զբաղվել մարզի խնդիրներով։ NEWS.am-ի հետ զրույցում այս մասին ասաց Սյունիքի փոխմարզպետ Նարեկ Բաբայանը։
«Ես մանդատից հրաժարվել եմ իմ տեղում մնալու համար եւ շարունակում եմ զբաղեցնել Սյունիքի մարզպետի պաշտոնը։ Էս պահին հաշվի առնելով մարզի կուտակված խնդիրները ավելի նպատակահարմար գտա մնալ մարզում եւ շարունակել աշխատանքն այստեղ»,–ասաց նա։
Հարցին, թե հնարավոր է՝ հետագայում ինքը զբաղեցնի Սյունիքի մարզպետի պաշտոնը, Նարեկ Բաբայանն ասաց, որ շրջանառվող լուրերը չեն համապատասխանում իրականությանը եւ ինքը նման առաջարկ չի ստացել։
«Շրջանառվող լուրերը չեն համապատասխանում իրականությանը, ես նման առաջարկ չեմ ստացել, ես շարունակում եմ զբաղեցնել իմ պաշտոնը»,– հավելեց նա։
Նշենք, որ մամուլում լուրեր են շրջանառվում, որ Սյունիքի մարզպետի տեղակալ, ՔՊ ան¬դամ, Կապանի քաղաքապետի նախկին թեկնածու Նարեկ Բաբայանը կնշանակվի Սյունիքի մարզպետ:
Հիշեցնենք, որ Նարեկ Բաբայանը Կապանի քաղաքապետի ընտրություններում առաջադրվել էր «Իմ քայլը» դաշինքից, սակայն, չստանալով բավարար ձայներ, պարտվել էր։ Իսկ խորհրդարանական ընտրություններում պատգամավոր էր ընտրվել, սակայն վայր էր դրել մանդատը։