Շատ ճիշտ կլիներ, որ այսօրվա իշխանությունները գաղտնազերծեին նախորդ 20 տարիներին Արցախի հիմնախնդրի շուրջ տեղի ունեցած բանակցությունները: Այս մասին այսօր Արցախում հանդիպման ժամանակ հայտարարեց «Սասնա Ծռեր» կուսակցության անդամ Ժիրայր Սէֆիլյանը:
«Ինչի շուրջ են բանակցել, ճիշտ կլիներ, որ Նիկոլ Փաշինյանը բացահայտեր»,- հայտարարեց Ժիրայր Սեֆիլյանը:
Ինչ վերաբերում է նոր իշխանությունների կողմից Արցախի հարցով բանակցություններին, «Սասնա Ծռերի» ներկայացուցիչը նշեց, որ այսօր պետք է հրաժարվել մարդիդյան սկզբունքներից եւ փոխել բանակցության տրամաբանությունը:
«Եթե այս գործողություններն առաջիկա օրերին չկատարվեն, ճիշտ չեն անի իշխանությունները, մտահգությունները, որ մեր ժողովրդի թիկունքում գործընթաց կարող է ընթանալ, կխորանան եւ ոչ մի դրական բանի չի բերի սա: Այս հարցում պարոն Փաշինյանն անելիք ունի եւ բոլորս սպասողի դերում ենք: Համոզված եմ, որ մեր ժողովուրդը գործող իշխանության կողքին է եւ իշխանությունը կարող է պահանջատիրոջ դերում նստել բանակցային սեղնաի շուրջ, այլ ոչ թե մինչեւ օրս վարվող պարտվողական ու դավաճանական ընթացքով շարժվել», - ասաց նա՝ հավելելով, որ դավաճանական ընթացքի գագաթնակետը քառօրյա պատերազմն էր, եւ եթե չլիներ «Սասնա ծռերի» համարժեք ռեակցիան, իշխանությունները նպատակ էին դրել շարունակել իրենց դավաճանական ընթացքը. «Սասնա ծռերի» գործողությամբ մենք կարողացանք կանխել այդ ընթացքը»:
