Ամերիկյան սենատոր Լինդսի Գրեմը հույս ունի, որ նախագահ Դոնալդ Թրամփը կդանդաղեցնի Սիրիայից ԱՄՆ-ի զորքերի դուրս բերումը մինչեւ «Իսլամական պետությունը» չոչնչացվի, հաղորդում է Reuters-ը:
Ըստ նրա՝ ամերիկյան զորքերի դուրս բերումը կարող է հանգեցնել նրան, որ «Իրաքը կհայտնվի ստերոիդների վրա»:
Գրեմն Անկարայում իր ելույթի ժամանակ նշել է, որ ԱՄՆ-ի զինված ուժերի շտաբերի պետերի հանձնաժողովի ղեկավար Ջոզեֆ Դանֆորդն աշխատում է Թուրքիայի հետ քուրդ ապստամբներին թուրքական սահմանից հեռացնելու ծրագրի շուրջ:
«Ահա լավ լուրը. կարծում եմ՝ գեներալ Դանֆորդն ունի ծրագիր, որի շուրջ նա շխատում է թուրքական զինվորականների հետ այդ նպատակներին հասնելու համար»,-ասել է Գրեմը՝ հավելելով, որ քրդերին չպետք է թողնել ծանր զինատեսակներ: