Թուրքիայի նախագահի պաշտոնական ներկայացուցիչ Իբրահիմ Կալինը մեղադրել է «Իսլամական պետություն» ահաբեկչական խմբավորման դեմ պայքարում այլ երկրների հետ փոխգործակցության հարցերով ԱՄՆ-ի նախագահի նախկին հատուկ ներկայացուցիչ Բրեթ Մակգուրկին ահաբեկչությանն աջակցելու մեջ, հաղորդում է ՏԱՍՍ-ը:
«Ձեր վերլուծությունը սխալ է, իսկ Թուրքիայի նկատմամբ թշնամական ելույթները լիակատար անհեթեթություն են եւ ահաբեկչության քարոզչության շարունակություն: Թուրքիան փրկել է Սիրիայի հարյուր հազարավոր բնակիչներին, այդ թվում էթնիկ արաբներին, քրդերին, ասորիներին եւ այլն: Դուք փորձում եք կրկին ուժգնացնել տարածաշրջանում Քրդական աշխատանքային կուսակցության ահաբեկչական գործունեությունը: Սակայն դա ձեզ չի հաջողվի»,-հայտարարել է նա:
Մակգուրկը հրաժարական էր տվել դեկտեմբերի 21-ին՝ ի նշան ԱՄՆ-ի նախագահ Դոնալդ Թրամփի՝ Սիրիայից ԱՄՆ-ի զորքերը դուրս բերելու որոշմանն ուղղված բողոքի: Ըստ Associated Press գործակալության տվյալների՝ նախագահի հատուկ ներկայացուցիչը պաշտոնական ելույթում ասում էր, մասնավորապես, Սիրիայից զորքերը դուրս բերելու հիմքերի բացակայության մասին: Նա նշանակվել էր այդ պաշտոնին 2015 թվականին Բարաք Օբամայի վարչակազմի օրոք:
