«Բոլոր այն անասուններին, ովքեր նման իբր խելացի բաներ են հնարում, այսինքն՝ վառում են ծառի տակից, որպեսզի ծառն իբր օրինական, թափուկի տեսքով հանեն անտառից»․ այսպիսի նախաբանով գրառում է արվել «Բնապահպանի տուն» բնապահպանական նախաձեռնության ֆեյսբույքան էջում։
«Մենք ձեր ոտքերն ենք նման ձևով վառելու։ Նման դեպքեր շատ են եղել։ Ուղիղ երկու շաբաթ առաջ մխում էին Թեղուտ գյուղից վերեւ ընկած անտառները։ Դրանից առաջ էլ նույն ձևով վերացրել էին Շամախյան տեղամասի հետքերը։ Այն, ինչը մենք գիտենք' անուններ, դեպքեր, տեղեր, ցավոք ոստիկանությունում որպես ապացույց չի ընդունվի։ Բայց երկար չմնաց ու այս ճիճվաբույնն էլ կքանդենք»,- ասված է գրառման մեջ։
