Անթույլատրելի է պետական բյուջեի հաշվին խոշոր հավելագումարներ վճարել: Հունվարի 21-ին Ազգային ժողովում ճեպազրույցի ժամանակ այս մասին ասաց «Լուսավոր Հայաստան» կուսակցությունից պատգամավոր Անի Սամսոնյանը՝ մեկնաբանելով մարզպետների հետ կապված աղմկալի պատմությունը:
Նրա խոսքով՝ դեռ երբ քաղաքապետարանը քննարկում էր հավելագումարների համար բյուջետային հատկացումների հարցը, նրանք նշեցին, որ դա վատ պրակտիկա է եւ որ անհրաժեշտ է աշխատավարձերը բարձրացնել, բայց այդքան մեծ թվով աշխատակցիների բյուջեից նման բարձր հավելագումարներ չտալ:
«Մարզպետների կողմից ընդունված կանոնները անընդունելի են, քանի որ ընդամենը մի քանի ամսվա աշխատակիցները չէին կարող նման բարձր հավելագումարներ ստանալ», - եզրափակեց Սամսոնյանը:
Նշենք, որ նախօրեին մի շարք մարզպետներ իրենց եւ մի շարք աշխատակիցների համար լրիվ ամսական աշխատավարձի կամ կեսի չափով հավելագումարներ են դուրս գրել: