ԱՄՆ-ում Դենվերում ռոդեոյի ժամանակ հանդիսատեսի աչքերի առաջ մահացել է ամենաականավոր հեծյալներից մեկը՝ 25-ամյա Մեյսոն Լոուն, հայտնում է CBS Denver-ը:
Կադրերում երեւում է, թե ելույթի սկզբում ինչպես է նա ճարպկորեն մնում ցլի վրա, ինչ-որ պահի կենդանին նրան վայր է գցում, հեծյալը ոտքի է կանգնում եւ այդ պահին կրծքավանդակին հարված է ստանում հետեւի սմբակներով:
Լոուն կատարել է մի քանի քայլ՝ կուրծքը բռնած, ապա ընկել է ուղղակի հրապարակում: Նա այլեւս գիտակցության չի եկել:
Փորձառու հեծյալը այս գործին էր նվիրել իր կյանքի 7 տարիները: Նա պրոֆեսիոնալ հեծյալների վարկանիշի 20-րդ տեղում էր: