ԱՄՆ նախագահ Դոնալդ Թրամփին ընդգրկել են «Ոսկե ազնվամորի» հակամրցանակի «Վատագույն դերասան» անվանակարգում:
Նա անվանակարգում ընդգրկվել է Դինեշ Դու Սուզայի «Ազգի մահը. կարո՞ղ ենք արդյոք Ամերիկան երկրորդ ամգամ փրկել» եւ Մայքլ Մուրի «Ֆարենհայտ 11/9» ֆիլմերում սեփական վավերագրական նկարահանումների համար, հայտնում է The Hollywood Reporter-ը:
Թրամփի հետ միասին հակամրցանակին են հավակնում Ջոնի Դեփը «Շերլոք Գնոմս» մուլտֆիլմի համար, Ուիլ Ֆերելը «Հոլմսը եւ Վաթսոնը» ֆիլմում դերի համար, Ջոն Թրավոլտան «Գոթիի» համար եւ Բրյուս Ուիլիսը «Մահվան ծարավ» ֆիլմի համար:
ԱՄՆ առաջին տիկին Մելանյա Թրամփն, իր հերթին, «Ֆարենհայթ 11/9»-ի հայտնվելուց հետո ընդգրկվել է «Երկրորդ պլանի վատագույն դերասանուհի» անվանակարգում:
Դոնալդ Թրամփը մեկ անգամ ստացել է «Ոսկե ազնվամորի» «Ուրվականները դա չեն անում» (1991) ֆիլմի համար որպես «Երկրորդ պլանի վատագույն դերասան» անվանակարգում:
