News
Լրահոս
News
Հինգշաբթի
Մարտ 28
Տեսնել լրահոսը

Խաղաղ, այսպես կոչված՝ «թավշյա հեղափոխությունը» ներկայիս իշխանությունների քաղաքական կամքի համակցությամբ թույլ է տվել Հայաստանում ժողովրդավարական ընտրություններ անցկացնել: Այս մասին ԵԽԽՎ ձմեռային նստաշրջանի ժամանակ հայտարարել է զեկուցող Ալեքսանդր Պոցեյը:

Պոցեյը ներկայացրել է Հայաստանում արտահերթ խորհրդարանական ընտրություններին հետեւելու մասին զեկույցը:

Զեկուցողը Հայաստանին շնորհավորել է, բայց նշել, որ միայն ժողովրդավարական ընտրությունները բավարար չեն, եւ Հայաստանի ընտրված ներկայացուցիչները պետք է սկսեն իրավական բարեփոխումները՝ երկրում ժողովրդավարական գործընթացի կոնսոլիդացիայի համար:

Պոցեյը նշել է, որ Վեհաժողովը 1995 թվականից հետեւել է Հայաստանում բոլոր ընտրություններին, եւ ընդգծել, որ չնայած ընտրական բարդ համակարգին եւ համացանցում վախեցնելու դեպքերի մասին հաղորդումներին, ընտրությունների ժամանակ խախտումները, որոնք անցյալում շատ ընտրություններ են պղտորել, այս ընտրությունների ժամանակ բացակայել են:

Ընդ որում՝ նա նշել է համացանցում վախեցնելու մի քանի դեպքեր:

«Ձայների 70 տոկոսը մեկ կուսակցության օգտին մեծ վստահություն է եւ մեծ պատասխանատվություն»,- շեշտել է զեկուցողը՝ խոսելով «Իմ քայլը» դաշինքի հաղթանակի մասին։

Ներկայացնելով ԵԽԽՎ դիտորդների եզրակացությունները՝ նա շեշտել է, որ արտահերթ խորհրդարանական ընտրությունները Հայաստանում անցկացվել են հիմնական ազատությունների պահպանմամբ եւ լայն հանրային վստահություն են վայելել, որոնք անհրաժեշտ են հետագա ընտրական բարեփոխումների ուղին պահպանելու համար։

ԵԽԽՎ պատվիրակն ընդգծել է, որ նախընտրական քարոզարշավը ավարտվել է ուղիղ եթերում հեռուստատեսային բանավեճով եւ ընդհանուր առմամբ նշանավորվել է հանրային հեռուստաընկերությամբ հավասարակշռված լուսաբանմամբ։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արուսյակ Ջուլհակյանը միաձայն ընտրվել է ԵԽԽՎ ենթահանձնաժողովի նախագահ
ՀՀ ԱԺ «Քաղաքացիական պայմանագիր» խմբակցության պատգամավոր...
ՀՀ ՄԻՊ-ը և ԵԽ ծրագրերի համակարգման տնօրենը քննարկել են բանակում մարդու իրավունքների պաշտպանության վիճակի հարցերը
Հանդիպման ավարտին կողմերը պատրաստակամություն են հայտնել ընդլայնել փոխգործակցության ուղղությունները…
Ալիևը ԵԽ-ին սպառնացել է լքել կառույցը
Եթե մեկ տարվա ընթացքում Եվրոպայի խորհրդի խորհրդարանական վեհաժողովում (ԵԽԽՎ) ադրբեջանական...
Օղակն Ադրբեջանի կամ Ալիևի ռեժիմի շուրջ գնալով սեղմվում է. Բելգիայում ՀՀ դեսպան
Եվրամիությունից (ԵՄ) Ադրբեջանին արվող զգուշացումները, ԵԽԽՎ-ում տեղի…
ԵԽ անդամ պետությունները պետք է կանխեն լրագրողների նկատմամբ հետապնդումները. Արուսյակ Ջուլհակյանի ելույթը՝ ԵԽԽՎ-ում
Լրագրողների անվտանգությունը հավաքական պատասխանատվություն է: ԵԽ անդամ պետությունները պետք է կանխեն լրագրողների նկատմամբ...
Ամեն ինչ շատ պարզ է, հասարակ ու մեզ հետ կապ չունեցող. Արևմուտքը որոշեց պատժել ապստամբին. Դավիթ Անանյան
Որոշումն ընդունվել է վերադարձի պայմանով, իհարկե, անհույս ակնկալելով, որ Ադրբեջանը անվերապահորեն կընդունի ԵԽԽՎ չափանիշներով...
Ամենաշատ