«Իմ քայլը» դաշինքի խմբակցության նիստում քննարկվել են մի շարք օրինագծեր, որոնք կներկայացվեն Ազգային Ժողովի առաջիկա լիագումար նիստերում: Այս մասին հունվարի 21-ին լրագրողների հետ զրույցում հայտարարեց «Իմ քայլը» դաշինքից պատգամավոր Հովհաննես Աղազարյանը: Նրա խոսքերով, քննարկվել են մշտական խորհրդարանական հանձնաժողովների ձեւավորման հետ կապված հարցեր, ինչպես նաեւ որոշ օրինագծերի ապագայի հետ կապված հարցեր: Միեւնույն ժամանակ, Աղազարյանը հրաժարվել է ճշտել, թե հատկապես ինչ օրինագծերի մասին է խոսքը: