Ոստիկանները ժամեր անց բացահայտել են Կիրանց գյուղի խանութից հունվարի 11-ին կատարված գողությունը։ Այս մասին հայտնում են ՀՀ Ոստիկանությունից։

Անհայտ անձը տեխնիկական միջոցների գործադրմամբ կոտրել էր դռան փականը եւ խանութից գողություն կատարել։

Ոստիկանները նույն օրը ժամեր անց Իջեւանից գողություն կատարելու կասկածանքով բերման ենթարկեցին Երեւանի բնակիչ Արման Տոնոյանին, Արմավիրի մարզից Սերյոժա Ստեփանյանին, Մանվել Հովհաննիսյանին եւ եւս մեկ ուղեւորի։

Պարզվել է, որ գողությունը կատարել է Սերյոժա Ստեփանյանը։

Մեքենայից հայտնաբերվել է 280 տուփ տարբեր տեսակի ծխախոտ։

Խանութի տիրոջը պատճառվել էր 150 հազար դրամի վնաս։

Փաստի առթիվ հարուցվել է քրեական գործ։

Պարզվել է, որ Արման Տոնոյանը նախորդ տարի Տավուշի մարզի գյուղերի խանութներից գողություններ էր կատարվել։

Արման Տոնոյանը,  Սերյոժա Ստեփանյանը, Մանվել Հովհաննիսյանը ձերբակալվել են, կատարվում է նախաքննություն։