Դեկտեմբերի 30-ի գիշերը  Ավանի Խուդյակովի փողոցում գտնվող մթերային խանութից գողությունը ավարտին չէր հասցվել, միացել էր խանութի ազդանշանային համակարգը։ Այս մասին հայտնում են ՀՀ Ոստիկանությունից։

Գողության փորձ կատարող տղամարդը լքել էր դեպքի վայրը։

Ոստիկանության Ավանի բաժնի աշխատակիցները պարզեցին, որ տղամարդն ապրում է Սարի Թաղում ։

Կասկածվող Ենոք Վարդանյանին ոստիկանները հայտնաբերել են Երեւանի Խորենացի փողոցից։

Նախկինում բնակարանային գողության համար դատապարտված Վարդանյանին ներկայացրել են Ավանի եւ Նոր նորքի քննչական բաժին։ Նա ինքնախոստովանական ցուցմունք են տվել։

Նախաքննությունը շարունակվում է։