ԱՄՆ Օրեգոն նահանգում տղամարդը սպանել է իր ամենամերձավոր մարդկանց: USA.one-ը հայտնում է, որ մահացել է 4 մարդ՝ ներառյալ նորածին երեխան: Եվս մեկ կին եւ 8-ամյա աղջիկը վնասվածքներ են ստացել:
Հանցագործության վայր ժամանած ոստիկանները ստիպված էին մարդասպանին գնդակահարել: 42-ամյա Մարկ Լեո Գագոն անհայտ պատճառով հարձակվել է իր ազգականների վրա:
Նա սպանել է իր ծնողներին՝ Ջերեմի եւ Պամելա Բրեմերներին, ինչպես նաեւ կյանքից զրկել է ընկերուհուն՝ Շայնա Սվիթցերին եւ 9-ամսական դստերը: Բոլորը սպանվել էին սառը զենքով:
Մահվանից առաջ ոստիկանությանը հասցրել է կանչել զոհերից մեկը: Հանցագործության վայր ժամանելով՝ սպաները տեսել են, որ տղամարդը փորձում է սպանել 8-ամյա աղջկան: Երեխային փրկելով՝ ոստիկանները կրակ են բացել: Դրա շնորհիվ Շայնա Սվիթցերի առաջին ամուսնությունից դուստրը ողջ է մնացել: Վնասվածքներ է ստացել նաեւ հարեւանուհին, որը դարձել էր սարսափելի հաշվեհարդարի վկան: Պարզվում է, թե տղամարդն իր զոհերին կոնկրետ ինչով է սպանել: Սերժանտ Բրայան Ջենսենի խոսքով՝ մարդասպանի տանը մեծ քանակությամբ սառը զենքեր են գտել, այդ թվում՝ մաչետե եւ թրեր:
