Ինդոնեզիայի Բոգորավատու կղզու շրջանում տեղի է ունեցել 6,1 մագնիտուդով երկրաշարժ, հայտնում է ԱՄՆ Երկրաբանական ծառայությունը (USGS), փոխանցում է «ՌԻԱ Նովոստի»-ն:
Ստորգետնյա ցնցումները գրանցվել են UTC ժամանակով 23.59-ին: Երկրաշարժի էպիկենտրոնը գտնվել է կղզու Արեւելյան Նուսա Տենգարա նահանգից 76 կմ հարավ-արեւմուտք: Երկրաշարժի օջախը 31 կմ խորության վրա էր:
Դեռեւս տեղեկություններ չկան ավերածությունների եւ տուժածների մասին:
Ինդոնեզիան համարվում է, այսպես կոչված, Խաղաղօվկիանոսյան հրե օղակի (հզոր տեկտոնական բեկման) մասը: Երկրագնդի այս շրջանում են գտնվում ամենաակտիվ տեկտոնական սալերը, որոնցից մեկը տեղաշարժվում է տարեկան 7 սմ արագությամբ: Սեյսմոլոգներն այստեղ ամեն տարի գրանցում են 4,0 մագնիտուդից բարձր 6-7 հազար երկրաշարժ:
