Կիրակի ուշ երեկոյան Սանտա Ռոսալիա եւ Սան Իգնասիո քաղաքների միջեւ ճանապարհին հայտնաբերվել է34-ամյա Ռաֆայել Մուրու Մանրիկեսի մարմինը: Այս մասին ասվում է նահանգի դատախազության հայտարարությունում, հայտնում է «Ամերիկայի ձայնի» ռուսական ծառայությունը:
Դատախազի խոսքով՝ Մուրուան կրծքավանդակին մահացու վերքեր է ստացել: Իրավապահ մարմիններն այլ տեղեկատվություն չեն տրամադրել:
Տեղական լրատվամիջոցները հաղորդել են, որ վերջին անգամ թղթակցին տեսել են շաբաթ երեկոյան Սանտա Ռոսալիայի կենտրոնական փողոցներից մեկում:
«Հոդված 19» Իրավապաշտպան ընկերության հայտարարության համաձայն՝ Մուրուան նահանգում հանրային ռադիոկայանի տնօրեն էր եւ մասնկացում էր 2017-ի հետ ծրագրին, որը պաշտպանում է վտանգի ենթարկված լրագրողներն:
Տեղական լրատվամիջոցների տվյալներով՝ թղթակիցը իր լրագրողական գործունեության հետ կապված սպառնալիքներ է ստացել:
Radio Kashana-ում, որտեղ աշխատում էր Մուրուան, հաճախ քննարկվում էին մարդու իրավունքների, գենդերային հավասարության, շրջակա միջավայրի, սեքսուալ եւ վերարտադրողական առողջության հետ կապված հարցեր:
«Հոդված 19» -ը, որը պաշտպաանում է խոսքի ազատությունը եւ տեղեկատվության հասանելիությունը, հայտնում է, որ 2000-ից Մեքսիկայում սպանվել է 122 լրագրող: Մեքսիկայում սպանությունների թիվն անցյալ տարի հասել է 33 000-ի:
Մեքսիկան լրագրության համար ամենավտանգավոր երկրներից է: Նախագահ Էնրիկե Պենյա Նետոյի կառավարման ժամանակ (2012–2018 թթ.) Մեքսիկայում 47 լրագրող էր սպանվել: 2018 թվականի դեկտեմբերի 1-ից հետո, երբ իշխանության է եկել Անդրես Մանուել Լոպես Օբրադորը, լրագորղի մահը դարձել է երրորդը:
