Եվրոպական հինգ երկրների արտաքին գործերի նախարարները հայտարարել են, որ Եվրամիությունը պետք է ակտիվ դերակատարություն ունենա միջազգային միջնորդության մեջ, ինչն անհրաժեշտ են համարում Վենեսուելայում ստեղծված իրավիճակը լուծելու համար, որտեղ ընդդիմությունը նախապատրաստվում է հակակառավարական ցույցերի նոր փուլի, հաղորդում է AP-ն:
Հայտարարությամբ Իսպանիայի, Ֆրանսիայի, Իտալիայի, Պորտուգալիայի եւ Նիդերլանդների արտաքին գործերի նախարարները կոչ են անում ԵՄ գերագույն դիվանագետ Ֆեդերիկա Մոգերեինին՝ ակտիվացնել շփումները, որպեսզի հնարավորինս շուտ ստեղծվի այսպես կոչված «Միջազգային շփումերի խումբը»։
«Եվրոպայի համար չափազանց կարեւոր է շփումների այդպիսի խմբում զգալի մասնակցություն ունենալը` մեր ընդհանուր շահերը պատշաճ կերպով առաջ մղելու համար»,-ասվում է հայտարարության մեջ:
