ԱՄՆ-ը հայտարարել է, որ Մերձավոր Արեւելքում խաղաղության առաջընթացի եւ կայունության հարցով միջազգային համաժողովը ուղղված չէ Իրանի հրեշացմանը՝ հայտնում է AP-ն։
ՄԱԿ-ում ԱՄՆ մշտական ներկայացուցչի տեղակալ Ջոնաթան Կոհենը ԱԽ-ին հայտարարել է, որ Վարշավայում փետրվարի 13-14-ը ԱՄՆ-ի եւ Լեհաստանի հովանու ներքո անցկացվելիք համաժողովը ուղղված չէ Իրանի միջուկային գործարքի դատապարտմանը։
Կոհենի մեկնաբանությունները հետեւել են Իրանի արտգործնախարար Մուհամմեդ Ջավադ Զարիֆի այն հայտարարությանը, թե համաժողովը Ամերիկայի հակաիրանական «կրկեսն» է։