Lenovo Z5 պրոցեսոր GT սմարթֆոնը դարձել է Android-ի հենքի վրա ամենաարդյունավետ սմարթֆոնը՝ AnTuTu բենչմարկում հավաքելով ռեկորդային 371,273 միավոր, հաղորդում է ՌԻԱ Նովոստին՝ վկայակոչելով Gizmochina պորտալին:
Չինական արտադրության սմարթֆոնը դարձել է Snapdragon 855 բջջային չիպսեթի հետ աշխատող եւ 12 գիգաբայթ օպերատիվ հիշողություն ունեցող առաջին սարքը, հաղորդում է պորտալը։
AnTuTu-ի թեսթով՝ ութ գիգաբայթ օպերատիվ հիշողությամբ գաջետի տարբերակը հավաքել է 371,273 միավոր՝ դրանով դառնալով ամենահզոր Android սմարթֆոնը, նշում է Gizmochina-ն: Մինչ այդ, ռեկորդը մնում էր մոտ 360 հազար միավոր մակարդակի վրա:
Միաժամանակ, այս սմարթֆոնը հագեցած է 6.39դյույմ AMOLED էկրանով՝ HD + հնարավորությամբ, մատնահետքի սկաներով, հիմնական մոդուլով՝ 16 մեգապիքսել եւ 24 մեգապիքսել տեսախցիկներով, առջեւի մոդուլով՝ 16 մեգապիքսել եւ 8 մեգապիքսել տեսախցիկներով, ինչպես նաեւ կուտակիչով՝ 3350 միլիամպեր/ժամ ծավալով։
Դեռեւս սմարթֆոնը վաճառվում է միայն Չինաստանում, որտեղ 8 գիգաբայթ RAM-ով տարբերակի արժեքը կազմում է 440 դոլար:
