Հայաստանը անցումային շրջան է ապրում քաղաքական տեսանկյունից, բայց ոչ տնտեսական։ Հունվարի 23–ին լրագրողների հետ հանդիպմանն այս մասին ասաց «Հայրենական ապրանք արտադրողների միության» նախագահ Վազգեն Սաֆարյանը։
Նրա խոսքով Հայաստանում հաջողվել է հեղափոխություն իրականացնել, բայց երկրի տնտեսությունում հեղափոխություն այդպես էլ չի կատարվել, այն շարունակում է իներցիայով զարգանալ։
«Տնտեսությունում լուրջ արմատական փոփոխություններ էին սպասվում, հատկապես պետական հատվածի եւ մասնավոր բիզնեսի փոխգործակցության հաշվին։ Պետությունը պետք է մասնավոր բիզնեսի հետ համագործակցեր այն ոլորտներում, որտեղ կարելի է բեկում սպասել, որը կարող էր մեր տնտեսության համար հետագա աճ ապահովել, սակայն դա այդպես էլ տեղի չունեցավ», - նշեղ Սաֆարյանը։
Տնտեսագետը համոզված է, որ նորընտիր խորհրդարանում շատ քիչ են այն պատգամավորները, որոնք կարող են արդյունաբերության հետ կապված օրինագծեր կազմել։
«Նրանք դա չեն կարող անել կամ փորձի պակասից կամ պարզապես չեն ցանկանում», -ասաց փորձագետը՝ հավելելով, որ ներդրողները նույնպես կասկածում են՝ պետք է արդյոք Հայստանում միջոցներ ներդնել, քանի որ նրանք հարցեր ունեն՝ արդյոք գործող իշխանությունների հայտարարությունները վստահելի են, թե դրանք պարզապես հերթական լոզունգներն են։