Հայաստանի վարչապետ Նիկոլ Փաշինյանի հետ հանդիպումը դեռեւս նշված չէ Ռուսաստանի առաջնորդ Վլադիմիր Պուտինի ուրբաթօրյա աշխատանքային ժամանակացույցում: Այս մասին հայտնել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստի»-ն:
Փաշինյանը Մոսկվա կայցելի հունվարի 25-ին «Եվրասիական հանձնաժողովի կոլեգիայի հետ հանդիպելու համար»:
«Որքանով տեղյակ եմ՝ չի նախատեսված (ՌԴ նախագահի հետ բանակցություններ): Գիտեք, որ նրանք ե՛ւ հեռախոսով են հաճախ շփվում, ե՛ւ շատ հաճախ են հանդիպում: Նախագահի մոտ ուրբաթը հագեցած օր է, ուստի չգիտեմ ինչ-որ փոփոխություններ կլինե՞ն, դեռեւս նման շփումները չեն համաձայնեցվել»,- լրագրողներին ասել է Պեսկովը:
Հայաստանի վարչապետ Նիկոլ Փաշինյանի պատվիրակությունը Մոսկվայում է գտնվելու հունվարի 24-25-ին: