Իրանի պաշտպանության նախարարը չորեքշաբթի հայտարարել է, որ սեփական արտադրության երկրորդ արբանյակը մոտ ժամանակներս կարձակվի տիեզերք, հաղորդում է ИРНА-ն:
Ամիր Խաթամին հայտարարել է, որ նշված երկու արբանյակներից մեկն արդեն արձակվել է տիեզերք, եւ շուտով կարձակվի երկրորդը:
«Իրանական նոր արբանյակը՝ «Սաֆիր» հրթիռակրով, Ֆաջր տասնամյակի սկզբին տիեզերք կարձակվի», - նշել է նա:
Նրա խոսքերով, «Սաֆիր» հրթիռակիրը կարող է արբանյակը տեղափոխել միջերկրային տարածություն՝ 260 կմ բարձրությամբ։
Մեկնաբանելով «Փայամ» արբանյակի մեկնարկը՝ Իրանի պաշտպանության նախարարը հայտարարել է. «Մենք ուզում էինք արբանյակն ուղեծիր դուրս բերել 500 կիլոմետր բարձրության վրա, բայց վերջին փուլը հաջող չէր»:
Նա հույս է հայտնել, որ շուտով տեխնիկական խնդիրը լուծում կստանա: