Xiaomi-ն ցույց է տվել իր առաջին ճկուն սմարթֆոնը։ Weibo սոցցանցի իր էջում տեսանյութը տեղադրել է չինական ընկերության նախագահ եւ համահիմնադիր Լին Բինը՝ հայտնում է ՌԻԱ Նովոստին։
Հրապարակված տեսանյութում նա էկրանին հոլովակ է դիտում ուղղահայաց դիրքով, որից հետո Բինը շրջում է սարքը եւ ճկում սմարթֆոնի կողային մասերը։ Նորույթի ինտերֆեյսը ավտոմատ կերպով հարմարվում է էկրանի ակտիվ մասին։
Ընկերության նախագահի խոսքերով, այդ սմարթֆոնը կդառնա երկտակ ծալովի տեխնոլոգիայով առաջին բջջային սարքը։ Xiaomi-ին հաջողվել է սարքին հարմարեցնել MIUI ինտերֆեյսային կարգավորումը եւ ստեղծել ճկուն էկրան եւ կորպուս։ Նորույթն իր մեջ համադրում է պլանշետի եւ բջջային հեռախոսի գործառույթներ։
Սմարթֆոնը դեռեւս անուն չունի, հնարավոր տարբերակներից են՝ Xiaomi Dual Flex-ը եւ Xiaomi MIX Flex-ը։
Excited to share this video of a special Xiaomi smartphone from our President and Co-founder Bin Lin. It is the world’s first ever double folding phone — that’s pretty cool, isn’t it? #xiaomi #foldingphone #technology pic.twitter.com/iBj0n3vIbW
— Wang Xiang (@XiangW_) January 23, 2019