Հանրապետության երկրորդ քաղաքում՝ Գյումրիում շատերն անգամ տեղյակ չեն կառավարության այն որոշման մասին, ըստ որի 2011 թ-ի սեպտեմբերից շրջանառության մեջ են դրվելու կենսաչափական անձնագրեր եւ կենսաչափական քարտ:
Ըստ Հայաստանի Հանրապետության անձնագրային եւ վիզաների վարչության Գյումրիի անձնագրային բաժանմունքի պետ Գագիկ Խաչատրյանի, նույնականացման քարտը ստանալու են 16 տարին լրացած բոլոր քաղաքացիները, իսկ կենսաչափական տվյալներով անձնագրերը քաղաքացիները կարող են ստանալ ըստ իրենց ցանկության` արտերկիր մեկնելու համար:
