ԱՄՆ-ի Արիզոնա նահանգի ոստիկանությունը կալանավորել է կլինիկայի բուժեղբորը, որտեղ 10 տարուց ավելի կոմայի մեջ գտնվող կինը, երեխա է ունեցել:
BBC հաղորդում է, որ 36-ամյա Նատան Սազերլենդին կասկածում են պացիենտի նկատմամբ սեռական բռնության մեջ, ինչի արդյունքում երեխա է ծնվել:
Դեպքը տեղի է ունեցել Hacienda կլինկայում՝ Արիզոնայի մայրաքաղաք Ֆինիքս քաղաքից ոչ հեռու: Այնտեղ կինը, որը դժբախտ դեպքից հետո արդեն մոտ 10 տարի կոմայի մեջ է, դեկտեմբերի 29-ին տղա է ունեցել: Երեխան սկզբում չի շնչել, այնուամենայնիվ հիմա հաղորդվում է, որ նա ողջ է եւ բժիշկների հսկողության տակ է:
CBS-ը, աղբյուրներին հղում անելով, նշում է, որ հիվանդանոցի անձնակազմը չի իմացել կնոջ հղիության մասին: Կլինիկայում նշել են, որ խորապես անհանգստացած են կատարվածից: Հեռուստաալիքի զրուցակիցը նշել է, որ կինը մշտական խնամքի կարիք է ունեցել եւ նրա սենյակ մուտք գործելու իրավունք են ունեցել շատ աշխատակիցներ:
Փաստաբան Ջոն Մայքլսը, որը ներկայացնում է պացիենտի ընտանիքի շահերը, հայտնել է, որ ըստ հարազատների, նա չափազանց խոցելի վիճակում է գտնվել:
«Ակնհայտ է, որ ընտանիքը վրդովված է, վիրավորված եւ ցնցված, որ իրենց դուստրը բռնության է ենթարկվել եւ նրանից, որ Hacienda կլինիկայում նրան պատշաճ ուշադրություն չեն դարձրել», - ասել է նա: