Իրանի Press-TV-ի լրագրող Մարզիե Հաշեմին, ում ավելի վաղ ԱՄՆ-ում ձերբակալել էին, ազատ է արձակվել: Հինգշաբթի հեռուստաալիքն այս մասին հայտնել է իր կայքում՝ վկայակոչելով Հաշեմիի ընտանիքի անդամներից մեկին, փոխանցում է ՏԱՍՍ-ը:
Առայժմ մանրամասներ չեն հաղորդվում:
Հաշեմին անցյալ շաբաթ ձերբակալվել էր Սենթ Լուիսում (Միսուրի նահանգ), որտեղ մասնակցում էր ոստիկանության կամայականություններից աֆրոամերիկացիների պաշտպանության հասարակական շարժման մասին փաստագրական ֆիլմի նկարահանումներին: Հունվարի 18-ին տարածված Կոլումբիայի մայրաքաղաքային շրջանի դատարանի փաստաթղթում նշված էր, որ նա անմիջապես կազատվի երդվյալների ժյուրի առջեւ կանգնելուց հետո:
Փաստաթղթում պնդում կար նաեւ, որ Հաշեմիին ոչ մի մեղադրանք չի ներկայացվել, նա հսկողության տակ է վերցվել որպես վկա, որը կարեւոր տեղեկություններ ունի:
