Կառավարությունն իր այսօրվա՝ հունվարի 24-ի նիստում հաստատեց ընտանեկան նպաստի, սոցիալական նպաստի և հրատապ օգնության չափերը, 2019 թվականի ընտանեկան նպաստի և սոցիալական նպաստի համար ընտանիքի անապահովության սահմանային միավորը սահմանելու և 2019 թվականին ընտանեկան նպաստի, սոցիալական նպաստի և հրատապ օգնության վճարման համար նախատեսված ֆինանսական միջոցների չափերը:
Հարցը ներկայացրեց աշխատանքի եւ սոցիալական հարցերի նախարար Զարուհի Բաթոյանը՝ նշելով, որ «Պետական նպաստների մասին» ՀՀ օրենքի 6-րդ և 14-րդ հոդվածներով նախատեսված է, որ ՀՀ կառավարությունն է սահմանում պետական նպաստների չափերը, իսկ 13-րդ և 16-րդ հոդվածներով սահմանված է, որ յուրաքանչյուր տարի պետք է սահմանվեն ընտանեկան և սոցիալական նպաստի իրավունք տվող ընտանիքի անապահովության սահմանային միավորը:
«Նախագծով առաջարկվում է հաստատել ընտանեկան նպաստի բազային մասի, երեխաներին տրվող հավելումների, հրատապ oգնությունների, սոցիալական նպաստի չափերն առանց նշելու 2019թ., դրանք նույնն են մնում, իսկ ընտանեկան նպաuտի, սոցիալական նպաստի և հրատապ oգնությունների վճարման համար նախատեuված ֆինանuական միջոցների չափերն ըuտ uոցիալական աջակցության տարածքային գործակալությունների (բաժինների)` հատկացումները նախատեսվում են հաշվի առնելով Հայաuտանի Հանրապետության 2019 թվականի պետական բյուջեով նախատեսված ընտանիքի կենսամակարդակի բարձրացմանն ուղղված ընտանեկան նպաuտի, սոցիալական նպաստի և հրատապ oգնությունների համար հատկացված միջոցները (նորմը սահմանված է ՀՀ կառավարության 30.01.2014թ. N145-Ն որոշման 8-րդ հավելվածի 3-րդ կետով)»,- ասաց նախարարը:
Նա տեղեկացրեց, որ 2019 թվականին նպաստառու ընտանիքների միջին ամսական թիվը կազմում է 99 900, որից սոցիալական նպաստ ստացող ընտանիքների թիվը 26 799 է, իսկ երեխա ունեցող ընտանեկան նպաստ ստացող ընտանիքների թիվը 73 101 է: 2019 թվականի համար 37,7 մլրդ դրամի նպաստ է նախատեսվել:
Մասնավորապես, սահմանվել է, որ 2019 թվականին ընտանեկան նպաստի և սոցիալական նպաստի համար ընտանիքի անապահովության uահմանային միավորի մեծությունը` 30.00 միավոր է: Ընտանեկան նպաստի բազային մասը 18 000 դրամ է:
Յուրաքանչյուր 18 տարին չլրացած անդամին տրվող հավելումը 5500 դրամ է:
Չորu և ավելի` 18 տարին չլրացած անդամ ունեցող ընտանիքների յուրաքանչյուր 18 տարին չլրացած անդամին տրվող հավելումը` 6500 դրամ է:
Բարձր լեռնային կամ uահմանամերձ բնակավայրերի ընտանիքների յուրաքանչյուր 18 տարին չլրացած անդամին տրվող հավելումը 6000 դրամ է:
Բարձր լեռնային կամ uահմանամերձ բնակավայրերի բազմազավակ ընտանիքների յուրաքանչյուր 18 տարին չլրացած անդամին տրվող հավելումը 7000 դրամ է:
Ինչ վերաբերում է միանվագ հրատապ oգնությունների չափերին, ապա երեխայի ծննդյան դեպքում` 50000 դրամ է, երեխայի` առաջին դաuարան ընդունվելու դեպքում` 25000 դրամ, ընտանիքի անդամի մահվան դեպքում` 50000 դրամ, եռամսյակային հրատապ oգնության ամսական չափը` 18000 դրամ: