Եթե մենք հայրենասիրության սերմեր ենք ուզում ցանել հասարակության մեջ, որ մարդիկ լինեն հայրենասեր, ունենան բարձր արժեքային համակարգ ու դրանով սահմանափակվում ենք, մենք երկար չենք գնա: Այս մասին, այսօր՝ հունվարի 24-ին, կառավարության նիստից հետո լրագրողների հետ զրույցում նշեց ՊԵԿ նախագահ Դավիթ Անանյանը՝ հիշելով հայտնի հումարը, որտեղ նշվում է, որ «շատ հայրենասերը վերջերս պարզվեց, որ այլեւս չի ձգում»:
Նրա խոսքով, հայրենասիրությունը, արժեքային համակարգը եւ ադեկվատ վարձատրությունը կաշառակերության դեմ պայքարի անկյունաքարն են: Դավիթ Անանյանը նշեց, որ ՊԵԿ աշխատակիցների պարգեւավճարների մասին տեղեկություն հրապարակող լրատվամիջոցը խախտել է անձնական տեղեկատվության պաշտպանության մասին օրենքը, ինքը չի պատրաստվում օրենքը խախտել ու ներկայացնել նման թվեր: