Նորագավիթի մաքսակետը քաղաքից դուրս բերելու հարցի մասին եւս մտածում ենք, բայց պետք է այդ հարցը կառավարությունում քննարկենք: Այս մասին, այսօր՝ հունվարի 24-ին, կառավարության նիստից հետո լրագրողների հետ զրույցում նշեց ՊԵԿ նախագահ Դավիթ Անանյանը:
Նա նշեց, որ Նորագավիթում իրենք այդ տարածքը վարձակալում են. «Մենք պետք է ձեռք բերենք հողատարածք եւ նոր մասքակետ կառուցենք: Այդտեղ cost-benefit վերլուծության արդյունքում պետք է ներքին որոշում կայացնենք, թե այսօր այդ ծախսը կատարելն առաջանահերթություն է, թե ոչ: Եթե որոշենք, որ առաջնահերթ է, կարող է եւ նորը կառուցենք, ու Նորագավիթից հանենք»,-ասաց ՊԵԿ նախագահը: