Թուրքական դատարանը վճռել է ազատ արձակել «Ժողովուրդների ժողովրդավարություն» քրդամետ կուսակցության պատգամավորին, որի մոտ 11 շաբաթվա հացադուլից հետո լուրջ խնդիրներ են առաջացել:
55-ամյա Լեյլա Գուվենը նոյմեբերի 8-ին որպես բանտում Քրդական աշխատավորական կուսակցության առաջնորդ Աբդուլա Օջալանին պահելու պայմանների դեմ բողոքի նշան՝ հացադուլ էր հայտարարել: Նրա վատթարացող առողջական վիճակը մտավախություններ էր առաջացրել եւ նրա օգտին աջակցության ակցիաների անցկացման պատճառ դարձել:
Գուվենը, որն ըստ փաստաբանների հայտարարության կյանքի համար վտանգավոր հիվանդությամբ է տառապում, ներկա չի եղել նիստին, հայտնում է AFP-ն:
Նա կալանավորվել էր 2018 թվականի հունվարին Սիրիայում քուրդ աշխարհազորի դեմ Թուրքիայի ռազմական գործողության քննադատության համար:
Պատգամավորը հացադուլը սկսել էր բանտում եւ նրա ակցիան ամբողջ Թուրքիայով աջակցել էին ավելի քան 150 բանտարկյալներ:
Գուվենի հացադուլը ուղղված էր նրան, որպեսզի կառավարությանը ստիպի թույլ տալ փաստաբաններին եւ Օջալանի ընտանիքի անդամներին այցելել առաջնորդին, որը ցմահ ազատազրկված է: